Loading...
Loading...
SEÇMƏ

Ərdoğan Putinlə Zelenskini görüşdürmək istəyir

Yayımlandı: 18 Avqust 2022 16:32

“Müharibədə qalib olmayacaq”

Türkiyə Prezidenti Rəcəb Tayyib Ərdoğan Ukraynaya səfəri zamanı həmkarı Volodimir Zelenskiyə Kremlin rəhbəri Vladimir Putinlə görüşməyi təklif edəcək.

Bu barədə Türkiyənin “A Haber” telekanalı məlumat yayıb.

“Gözlənilir ki, Ərdoğan Zelenskiyə Putinlə görüşünü təşkil etməyi təklif edəcək”, – deyə telekanalın Lvovdan olan müxbiri diplomatik dairələrdəki mənbələrə istinadən bildirib.

Türkiyənin digər xəbər kanalı CNN Türk əlavə edib ki, ZelenskiPutin Ukraynada müharibə üçün yol xəritəsini müəyyən etməkdən ötrü görüşə bilərlər.

Telekanal xatırladır ki, Zelenski dörd dəfə Putinlə ikitərəfli zirvə görüşünü təklif edib, lakin bu təklif Moskva tərəfindən “Liderlərin qərar verməsi üçün konkret məsələ yoxdur” cavabı ilə rədd edilib.

Rusiya mənbələrindən aldığımız xəbərə görə, Rusiya Prezidenti Vladimir Putin avqustun 5-də Soçidə Ərdoğanla birgə Ukrayna lideri Volodimir Zelenski ilə görüşə biləcəyinə dair danışıqlara eyham vurub”, – Türkiyə telekanalı bildirib. Hazırda Ukraynada olan Türkiyə Prezidenti Rəcəb Tayyib Ərdoğan Kreml rəhbəri Vladimir Putini Ukrayna Prezidenti Volodimir Zelenski ilə görüşə dəvət edib.

Bu barədə “Hürriyet” xəbər verib.

R.T.Ərdoğanın sözlərinə görə, hazırda vacib olan planın effektiv şəkildə həyata keçirilməsi və müsbət atmosferin İstanbulda danışıqlara qayıtması istiqamətində konkret addımlara çevrilməsidir.

“Müharibədə qalib olmayacaq. Yerdəki çətinliklərə baxmayaraq, böhranın danışıqlar masası arxasında həll olunacağına da qəti inanıram. Mən cənab Putinə bir daha xatırlatdım ki, biz onun Zelenski ilə görüşünü qəbul edə bilərik. Zelenski, regional və qlobal sülhü təşviq etmək üçün Qara dəniz qonşumuz Rusiya ilə bütün sahələrdə dialoqumuzu inkişaf etdirməyə davam edəcəyik”.

Xatırlatma

Rusiya Prezidenti Vladimir Putin Ukraynanın şərqindəki separatçı qurumları tanıdığını bəyan etdikdən 2 gün sonra, fevralın 24-də Ukraynaya qarşı müharibəyə başlayıb.

Dünyanın əksər ölkəsi Rusiyanın hücumunu pisləyib. Bundan sonra Avropa Birliyi ölkələri, eləcə də ABŞ Rusiyaya qarşı sanksiyalar tətbiq edib. 600-dən çox rusiyalı oliqarx, yüksək rütbəli hərbçilər, şirkət sahibləri, biznesmenlərlə yanaşı, Rusiya Prezidenti Vladimir Putin və xarici işlər naziri Sergey Lavrov sanksiyalara məruz qalıblar. Rusiyada təşkil olunacaq yarışlar təxirə salınıb, bu ölkənin adı mühüm tədbirlərdən və təşkilatlardan çıxarılıb.

Aprelin 7-də isə BMT Baş Assambleyası Rusiyanın təşkilatın İnsan Hüquqları Şurasından çıxarılması ilə bağlı qətnamə qəbul edib. Rusiya isə Avropa Şurası üzvlüyündən çıxıb.

Rusiya ordusunun Buça və digər Ukrayna şəhərlərində kütləvi qətliamlar və müharibə cinayətləri törətdiyi iddia olunur.

İyunun 25-də Avropa İttifaqının 12 ölkəsi Rusiya qazının tədarükündən tamamilə və ya qismən imtina edib.

Gözdən qaçırmayın:  “Qarabağ” pley-off mərhələsində ilk oyununu keçirdi

Meydan TV

This site uses Akismet to reduce spam. Learn how your comment data is processed.

Back to top button