Gündəm
Əsgər hərbi xidməti bitən gün həlak oldu
Onun ürəktutmasından öldüyü deyilir
Azərbaycan ordusunun hərbçisi, Ağsu sakini əsgər Saleh Füzuli oğlu Dəmirov həlak olub. Bu barədə Meydan TV-yə Ağsu sakinləri bildiriblər. Onlar əsgərin hansı səbəbə həlak olması barədə dəqiq məlumatlarının olmadığını söyləyiblər.
Ağsu Rayon İcra hakimiyyətindən Meydan TV-yə faktı təsdiqləyiblər. Əsgərin rayonda dəfn edildiyini söyləyiblər:
“İlkin məlumatda deyilir ki, o, ürəktutmasından dünyasını dəyişib. Ancaq sonradan əlavə məlumat verilibmi, verilməyibmi, bilmirik”.
Əsgər Saleh Dəmirov bu gün hərbi xidmətini başa vurub evə qayıdacaqmış.
Allah rəhmət eləsin!