Now Reading:
Əziz Orucov yenidən məhkəmə qarşısında

“Kanal-13” internet televiziyasının həbsdə olan icraçı direktoru Əziz Orucovun hökmündən apellyasiya şikayəti üzrə məhkəmə başlayır. Jurnalistin şikayətinə fevralın 6-da Bakı Apellyasiya Məhkəməsində Əmir Bayramovun sədrlik etdiyi hakimlər kollegiyası baxacaq. Bu haqda “Azadliq.info”ya vəkil Cavad Cavadov məlumat verib.
2017-ci ilin mayında həbs olunan Ə.Orucov haqqında dekabrda hökm çıxarılıb. O, 6 il azadlıqdan məhrum edilib.

Əziz Orucov 2014-cü ildə yerli və xarici QHT-lərə qarşı başlanmış cinayət işi çərçivəsində həbs olunub. O, Cinayət Məcəlləsinin 192.2.2 (külli miqdarda mənfəət əldə etməklə qanunsuz sahibkarlıq) və 308.2-ci (vəzifə səlahiyyətindən sui-istifadə) maddələri ilə ittiham olunur.
Ə.Orucov özünü təqsirli bilmir. Almaniyada yaşayan qardaşı Anar Orucov da deyir ki, Əziz onun orada Azərbaycan hökuməti əleyhinə etiraz aksiyalarında iştirakına, tənqidlərinə görə cəzalandırılıb.

azadliq.info

SİZ DƏ FİKRİNİZİ YAZIN

This site uses Akismet to reduce spam. Learn how your comment data is processed.

24saat.org@gmail.com
Çəkdiyiniz videoları bu ünvana yollamaqla bizimlə əməkdaşlıq edə bilərsiniz! Telefon - 055 239-48-36
Input your search keywords and press Enter.