2024-cü ildə Azərbaycanda həbsdə olan jurnalistlər 2024-cü ildə Azərbaycanda həbsdə olan jurnalistlər
CəmiyyətXəbərlər

Əfqan Muxtarlı ədliyyə nazirini həbsxanaya çağırır

“Fikrət Məmmədov dustaqlara verilən yeməyin keyfiyyəti ilə, həbsxanadakı sosial durumla maraqlansın”

Həbsdə olan Jurnalist Əfqan Muxtarlı media vasitəsilə ədliyyə naziri Fikrət Məmmədova müraciət edib. Jurnalist naziri saxlandığı 16 saylı cəzaçəkmə müəssisəsinə dəvət edir. Əfqan Muxtarlının çağırışı həbsxananın yeməkxanasında dustaqlara verilən yeməklərin keyfiyyətinin aşağı olması ilə bağlıdır:

“Müdafiə nazirinin əsgərlərlə nahar etdiyi vaxtlar olub. Fikrət Məmmədov da həbsxanaya gəlsin və dustaqlara verilən yeməyin keyfiyyəti ilə, həbsxanadakı sosial durumla maraqlansın”.

Əfqan Muxarlı bildirib ki, həbsxana rəhbərliyi onun Ədliyyə Nazirliyinə yazdığı məktubları göndərməkdən imtina edir. Buna görə də, nazirə media vasitəsilə müraciət edir.

Saytların yığılması Saytlarin yigilmasi

Ötən həftə jurnalist həbsxana rəhbərliyi tərəfindən ona qarşı təxribat hazırlanması ilə bağlı xəbər göndərmişdi.

“10 gündən artıqdır ki, həbsxana rəhbərliyi mənə qarşı təxribat hazırlayır. Şahin Həsənovun əmri ilə mayor Kamil müxtəlif üsullarla mənə təzyiq edir ki, nəsə etiraz edim. Bundan istifadə edib mənə qarşı yeni cinayət işi qaldırsınlar.

Həbsxana rəhbərliyində fikir formalaşıb ki, siyasi məhbuslara təzyiq edən zabitlərin rütbələri və vəzifələri artırılır. Mayor Kamil dəfələrlə deyib ki, mənim əleyhimə yazın, vəzifəmi artırsınlar. Azərbaycan mətbuatından xahiş edirəm ki, mayor Kamil və Şahin Həsənov haqqında yazsınlar,”- deyə Əfqan Muxtarlı bildirmişdi.

Gürcüstanda yaşayan jurnalist Əfqan Muxtarlı 2017-ci il, mayın 29-da “yoxa” çıxıb və səhərisi gün Azərbaycanda həbs edilib. Dediyinə görə, Tbilisidə saxlanıb, ona işgəncə verilib, zorla sərhədə gətirilərək Azərbaycan tərəfinə təhvil verilib. Bu zaman cibinə 10 min avro pul qoyulub.

Azərbaycan hökuməti isə jurnalisti Cinayət Məcəlləsinin Hakimiyyət nümayəndəsinə xidməti vəzifələrini yerinə yetirərkən ona qarşı həyat və sağlamlıq üçün təhlükəli olan zor tətbiq etmə maddəsi (315.2) ilə ittiham edib.

Bundan başqa, ona dövlət sərhədini müəyyən edilmiş sənədlər olmadan və ya dövlət sərhədinin nəzarət-buraxılış məntəqələrindən kənarda keçmə (318.1) və qaçaqmalçılıq (206.1) maddələri üzrə günahkar biliblər.

Əfqan Muxtarlıya məhkəmənin qərarı ilə 6 il müddəyinə azadlıqdan məhrumetmə cəzası verilib.

Beynəlxalq hüquq müdafiə təşkilatları Əfqan Muxtarlını siyasi məhbus kimi tanıyır.

Saytların yığılması Saytlarin yigilmasi

Bənzər məqalələr

Bir cavab yazın

This site uses Akismet to reduce spam. Learn how your comment data is processed.

Back to top button