Əfv üçün 100-dən çox müraciətə baxılıb
Fevralın 27-də Azərbaycan Prezidenti yanında Əfv Məsələləri Komissiyasının növbəti, iclası keçirilib.
Bu barədə “Turan” İnformasiya Agentliyinə Komissiyadan məlumat verilib.
Məlumata görə, iclasda əfvlə bağlı müxtəlif kateqoriyalara aid olan 100-dən çox müraciətə baxılıb:
“Ümumi baxılan müraciətlərin sayı isə 450-dən çoxdur”
Komissiyadan əlavə olunub ki, müraciətlərə baxılması davam edəcək. Bu, bu il Komissyanın sayca dördüncü iclası olub.
Xatırlatma
Azərbaycanda sonuncu əfv sərəncamı ötən ilin aprel ayında imzalanıb.
Həmin əfv sərəncamı dünyada koronavirus infeksiyasının yayılması ilə əlaqədar yaşı 65-dən yuxarı olan və risq qrupunda sayılan bir sıra məhkumlara şamil olunub.Həmin əfv sərəncamı ilə 176 nəfər azadlığa buraxılıb
Bir sıra yerli hüquq müdafiəçilərinin bildirməsinə görə, Azərbaycanda hazırda 150-yə yaxın siyasi məhbus var.Amma rəsmilər isə ölkədə siyasi məhbusların olması fikrini qəbul etmirlər. Rəsmilər deyirlər ki, siyasi məhbus sayılan şəxslər sırf törətdikləri əmələ görə, məsuliyyətə cəlb ediliblər.
“24 saat” “Əfv üçün 100-dən çox müraciətə baxılıb” başlıqlı yazını “Azadlıq Radiosu”na istinadən dərc edib.
