Xəbərlər
Əhməd Əhmədzadə işdən çıxarıldı
Əhməd Əhmədzadə “Azərbaycan Meliorasiya və Su Təsərrüfatı” Açıq Səhmdar Cəmiyyətinin sədri vəzifəsindən azad edilib.
Prezident İlham Əliyev bununla bağlı bu gün, aprelin 2-də sərəncam imzalayıb.
Ə.Əhmədzadə 2006-cil i dən bu qurumun başında dururdu. O, ümumilikdə isə 28 il idi meliorasiya və su təsərrüfatı sahəsinə rəhbərlik edirdi.
Ə.Əhmədzadə 1993-2004-cü illər arası Nazirlər Kabineti yanında Meliorasiya və Su Təsərrüfatı Komitəsinin sədri, sonraki 2 ildə isə Kənd Təsərrüfatı Nazirinin birinci müavini, bu nazirlik yanında Dövlət Meliorasiya və Su Təsərrüfatı Agentliyinin baş direktoru vəzifəsində çalışıb.
“24 saat” “Əhməd Əhmədzadə işdən çıxarıldı” başlıqlı yazını “Azadlıq Radiosu”na istinadən dərc edib.