Gündəm
Əvəz Zeynallı məhkəmə qarşısına çıxarılır
“Xural” qəzetinin baş redaktoru Əvəz Zeynallı bu gün məhkəmə qarşısına çıxarılacaq. Bu barədə Bizimyol.info saytına vəkil Elçin Sadıqov məlumat verib. Prosesin saat 14.00-dan sonra baş tutacağı gözlənilir.
Dünən axşam saatılarında Əvəz Zeynallı çəkiliş aparan zaman Binəqədi Rayon Polis İdarəsinin əməkdaşları tərəfindən saxlanılıb. 4-cü polis bölməsinə, daha sonra isə Binəqədi Rayon Polis İdarəsinə aparılan jurnalistdən izahat alınıb.
Ona qarşı İnzibati Xətalar Məcəlləsinin 535.1-ci maddəsi ilə (polisin qanuni əmrinə tabe olmama) inzibati iş qaldırılıb.
Qeyd edək ki, Ə.Zeynalı 2013-cü ildə Bakı Ağır Cinayətlər Məhkəməsinin hökmü ilə 9 il müddətinə azadlıqdan məhrum olunub. 2014-cü ilin dekabr ayında əfv sərəncamı ilə azadlığa buraxılıb.