Loading...
Loading...
Siyasət

16 ildən sonra vətənə dönən prezident təhlükəsizlik xidmətinə aparıldı

Qırğızıstanın keçmiş prezidenti Askar Akaev Moskvadan Bişkekə döndükdən sonra Dövlət Təhlükəsizlik Xidməti-nə aparılıb.

Azadlıq Radiosu qırğız xidmətinin məlumatına görə, Akaev beynəlxalq axtarışda imiş. O, vaxtilə ”Kumtor” qızıl mədənində korrupsiyaya yol verməkdə şübhəli bilinir.

25.kg nəşrinin yazdığına görə, Akaev könüllü olaraq Bişkekə gəlib ifadə vermək istədiyini bildirib.

AzadlıqRadiosu qırğız xidmətinin məlumatına görə, təşəbbüs Dövlət Təhlükəsizlik Xidmətindən gəlib, o isə bunu qəbul edib.

Təhlükəsizlik xidməti ona, hər şeyin qanun çərçivəsində aparılacağını vəd edib.

Mənbə yazır ki, Qırğızıstanın keçmiş prezidenti Kurmanbek Bakiyev və digər rəsmilər də iyulun əvvəllərindən bu istintaq çərçivəsində rəsmi axtarışa verilib.

Qırğızıstanın keçmiş prezidenti Kurmanbek Bakiev

Onlar da korrupsiyaya yol verməkdə şübhəli bilinirlər.

Askar Akaev 1991-2005-ci illərdə Qırğızıstan prezidenti olub. O, 16 il əvvəl hakimiyyətdən çevriliş yolu ilə uzaqlaşdırılıb və həmin vaxt ailəsi ilə birlikdə Moskvaya qaçıb. O vaxtdan bəri Moskvada elmi fəaliyyətlə məşğul idi.

Akaev 2021-c ilin aprelində “Avtor TV” kanalına müsahibəsində, həmin vaxt hakimiyyəti qanuni yolla verməməsindən təəssüf bildirib.

24 saat” “16 ildən sonra vətənə dönən prezident təhlükəsizlik xidmətinə aparıldı” başlıqlı yazını “Azadlıq Radiosu”na istinadən dərc edib.

Gözdən qaçırmayın:  ABŞ Rusiya üçün hava məkanını bağlayır

This site uses Akismet to reduce spam. Learn how your comment data is processed.

Back to top button