Loading...
Loading...
Xəbərlər

18 uşaq bağçasında 158 nöqsan…

Azərbaycan Qida Təhlükəsizliyi Agentliyi (AQTA) ölkədəki məktəbəqədər təhsil müəssisələrində yoxlamalar aparır.

Qurum avqustun 18-də yaydığı açıqlamada 8-12 avqust tarixlərində aparılan monitorinqlərdən bəhs edib. AQTA bildirir ki, 18 uşaq bağçasında ümumilikdə 158 nöqsan müəyyən olunub: “Aşkar edilmiş nöqsanlarla bağlı 17 uşaq bağçası barəsində inzibati tədbir görülüb”.

Məlumata görə, monitorinqlər zamanı məktəbəqədər təhsil müəssisələrində qidalanmanın Nazirlər Kabinetinin qida normalarına uyğunluğu yoxlanıb: “…Həmçinin yeyinti məhsullarının tədarük prosesi, saxlanması, daşınması, realizə olunması, markalanması və qablaşdırılmasına dair tələblərə əməl olunub-olunmadığı yoxlanılır”.

Açıqlamada monitorinqlərin aparıldığı bağçaların adı çəkilməyib. Məsələyə, hələlik, bağçaların tabe olduğu Təhsil Nazirliyindən münasibət almaq mümkün olmayıb.

2021-ci ilə olan rəsmi məlumata görə, Azərbaycanda 1 min 825 uşaq bağçası var. Onlardan 1 min 692-si dövlətindir, orada 126 mindən çox uşaq tərbiyə alır.

AzadliqRadiosu

Gözdən qaçırmayın:  'Məhsul stadionu'na görə həbs edilənlər var…

This site uses Akismet to reduce spam. Learn how your comment data is processed.

Back to top button