Astara Gömrük İdarəsinin sərnişin-nəqliyyat şöbəsində İrandan idarə etdiyi minik avtomobili ilə gələn Azərbaycan vətəndaşından 2 kiloqram heroin aşkarlandığı bildirilir.

Bu barədə bu gün, aprelin 15-də Dövlət Gömrük Komitəsi məlumat yayıb.

Saytların yığılması

“Kinoloji xidmət itinin reaksiyasına əsasən, avtomobilə baxış keçirilib. Baxış zamanı, həmin nəqliyyat vasitəsinin mühərrikinin aşağı hissəsində, zavod konstruksiyasında nəzərdə tutulmamış, sonradan mühərrikə əlavə olaraq bərkidilmiş starterin içərisində, gömrük nəzarətindən gizlədilmiş iki ədəd bağlama aşkarlanıb. Bağlamalarda ümumi xalis çəkisi 1695 qram təşkil edən narkotik vasitə – heroin aşkar edilib”.

Heroini gətirən şəxsin kimliyi, hələlik, açıqlanmır.