Now Reading:
2017-ci ildə Azərbaycan 19 hərbçisini itirib – STATİSTİKA

2017-ci ildə Azərbaycan 19 hərbçisini itirib – STATİSTİKA

2017-ci ilin ötən müddətində Azərbaycanın Təhlükəsizlik və Müdafiə sektorunda ən azı 19 hərbi qulluqçu dünyasını dəyişib. Dünyasını dəyişənlərin 12 nəfəri döyüş, 7 nəfəri isə qeyri döyüş itkisidir. Bu barədə Xəzər Hərbi Tədqiqatlar İnstitutu məlumat verir.

Məlumatda qeyd edilir ki, Silahlı Qüvvələrin 12 hərbi qulluqçusu cəbhə xəttində Ermənistan tərəfinin açdığı atəş nəticəsində həlak olub. Bundan başqa 2 hərbçi xəstəlik nəticəsində, 2 nəfərin intihar etdiyi, 2 nəfərin isə bədbəxt hadisədən (qar uçqunu və tank altında qalma) dünyasını dəyişdiyi bildirilir. 1 nəfərsə əsgər yoldaşının açdığı atəş nəticəsində dünyasını dəyişib.

Dünyasını dəyişənlərin 9 nəfəri müddətdən artıq hərbi xidmət keçən hərbi qulluqçu, 8 nəfəri əsgər, 2 nəfərsə zabit olub. Dünyasını dəyişənlərin hamısı Müdafiə Nazirliyinin hərbi qulluqçuları olublar.

Ötən dövrdə ümumilikdə 2 hərbi qulluqçu yaralanıb (və ya xəsarət alıb). Həmin hərbçilər erməni gülləsindən yaralanıb.

Qeyd: 24-25 fevral tarixlərində aparılan hərbi əməliyyatlar nəticəsində Azərbaycan tərəfindən yaralanan və ya xəsarət alan hərbi qulluqçuların sayının daha çox olması ehtimalı var.

Ötən dövrdə azı 1 dinc sakin həlak olub. Həmin şəxs mina partlayışında həyatını itirib. Ötən dövrdə bir nəfər Azərbaycan vətəndaşı erməni hərbçiləri tərəfindən əsir götürülüb.

24saat.org

Mənbə – azadliq.info

SİZ DƏ FİKRİNİZİ YAZIN

This site uses Akismet to reduce spam. Learn how your comment data is processed.

24saat.org@gmail.com
Çəkdiyiniz videoları bu ünvana yollamaqla bizimlə əməkdaşlıq edə bilərsiniz! Telefon - 055 239-48-36
Input your search keywords and press Enter.