2035 yeni yoluxma aşkarlanıb, 32 ölüm
Son gündə Azərbaycanda koronavirus (COVID-19) infeksiyasına
2035 yeni yoluxma faktı qeydə alınıb, virusa yoluxanlardan 1174 nəfər sağalıb.
Bu məlumatı aprelin 6-da Nazirlər Kabineti yanında Operativ Qərargah yayıb.Qurumdan verilən məlumata görə, COVID-19 üçün götürülən analiz nümunələri müsbət çıxan 32 nəfər də vəfat edib:
“İndiyədək ölkədə ümumilikdə 273 min 869 nəfərin koronavirus infeksiyasına yoluxması faktı müəyyən edilib, onlardan 243 min 467 nəfər sağalıb, 3743 nəfər vəfat edib, aktiv xəstə sayı 26659 nəfərdir”.
Qərargahdan açıqlamaya görə, son sutka ərzində yeni yoluxma hallarının müəyyənləşdirilməsi ilə əlaqədar ölkədə 12701, ötən müddət ərzində isə ümumilikdə 2 milyon 948 min 419 test aparılıb.
Rəsmi qurumların məlumatına görə, Azərbaycanda evdə də müalcə alan koronavirus xəstələri var.
Xatırlatma
2019-cu ilin sonlarında dünyada yeni koronavirus aşkar edilib. 2020-ci il martın 11-də Dünya Səhiyyə Təşkilatı koronavirusu pandemiya elan edib. Dünyada sürətlə yayılan bu virusdan indiyə qədər 2,8 milyondan çox şəxsin vəfat etdiyi açıqlanıb.
“24 saat” “2035 yeni yoluxma aşkarlanıb, 32 ölüm” başlıqlı yazını “Azadlıq Radiosu”na istinadən dərc edib.
