Bakı/10.23.21 Azərbaycanda son sutka ərzində 2315 yeni koronavirus infeksiyasına yoluxma faktı qeydə alınıb, 981 nəfər müalicə olunaraq sağalıb, 22 nəfər vəfat edib. Bu barədə  Nazirlər Kabineti yanında Operativ Qərargahı  oktyabrın 23-də bildirib.

Ümumilikdə, pandemiya başlayandan ölkədə 514 289 nəfərdə koronavirus infeksiyasına yoluxma faktı müəyyən edilib, onlardan 483 559 nəfər müalicə olunaraq sağalıb, 6 869 nəfər vəfat edib, 23 861 aktiv xəstəsinin müalicəsi davam etdirilir.

Son sutka ərzində koronavirusun aşkarlanması üçün 14 053 test aparılıb.

Saytların yığılması

Həmçinin, son sutka ərzində 33 186 nəfər COVID-19-a qarşı peyvənd olunub.

Gün ərzində birinci doza ilə peyvənd olunanların sayı 18 647, ikinci doza 14 539 nəfər olub.

Azərbaycanda peyvənd olunanların  ümumi sayı 9 353 744 nəfər təşkil edib. Birinci mərhələdə  5 043 147 nəfər, ikinci mərhələdə isə 4 310 597 nəfər peyvənd olunub. -0-