[vc_row][/vc_row][vc_row][/vc_row][vc_row][/vc_row][vc_row][/vc_row]
24saat.org saytının baş redaktoru Vüqar Qurdqanlı şəxsi facebook hesabında məlumat yayaraq bildirib ki, özünü Baş Mütəşəkkil Cinayətkarlıqla Mübarizə İdarəsinin işçisi kimi təqdim edən şəxs onu idarəyə dəvət edib.
“Dedi ki, şikayət var. Amma şikayətin kim tərəfindən və konkret hansı yazıya görə olduğunu demək istəmədi. Mən də rəsmi çağırış vərəqəsi olmadan gələ bilməyəcəyimi dedim. Ünvanımı alıb rəsmi çağırışın göndəriləcəyini bildirdi”. – deyə Qurdqanlı vurğulayıb.
Baş redaktor həmçinin qeyd edib ki, meydan.tv-in dərc etdiyi Ramil Usubovun və Vilayəz Eyvazovun ortaq “Meyvəli” bazar biznesini ifşa edən yazının az24saat.orgsaytında təkrar dərcindən sonra təhdid mesajları alıb.
24saat.org saytı 3 ildən artıqdır ki, fəaliyyət göstərir. Sayt məhkəmə qərarı əsasında Azərbaycanda bloklanıb.