2024-cü ildə Azərbaycanda həbsdə olan jurnalistlər 2024-cü ildə Azərbaycanda həbsdə olan jurnalistlər
Sosial

“2800 ailə mənzillə təmin ediləcək”

“İlin sonuna qədər 2800 ailə ev, mənzillərlə təmin ediləcək. Beləliklə, il ərzində 5700 ailə – təxminən 25 min məcburi köçkün evlə, mənzillə təmin edilmiş olacaq”.

Bu barədə Qaçqınların və Məcburi Köçkünlərin İşləri üzrə Dövlət Komitəsindən bildirilib. Məlumatda qeyd edilir ki, məcburi köçkünlərin problemləri dövlət başçısının daim diqqət mərkəzindədir:
“Məhz bu diqqət və qayğının nəticəsidir ki, məcburi köçkünlər üçün yeni yaşayış kompleksləri tikilib istifadəyə verilir. Hazırda bunların sayı 100-dən çoxdur”.

Əlavə edilib ki, prezidentin təşəbbüsü ilə məcburi köçkünlərlə iş sahəsində aparılan islahatlar çərçivəsində bu ilin aprel ayından etibarən Dövlət Komitəsinin fəaliyyətinin təkmilləşdirilməsi istiqamətində tədbirlər müəyyənləşdirilib və həyata keçirilir:

“Məcburi köçkünlərin yeni mənzillərə tam şəffaflıq şəraitində və ədalətlilik prinsipləri əsasında köçürülməsini təmin etmək məqsədilə Dövlət Komitəsində müvafiq komissiya və onun tərkibində işçi qrupu yaradılıb.

Saytların yığılması Saytlarin yigilmasi

Uçotun təşkili, şəffaflığın təmin edilməsi, ədalətsizliklərin aradan qaldırılması, pozuntulara yol açan boşluqların ləğv olunması ilə bağlı qarşıya qoyulmuş tələblər yerinə yetirilir. Məcburi köçkünlər üçün tikilmiş evlərin, mənzillərin verilməsində neqativ hallara qarşı çox ciddi mübarizə aparılır və bundan sonra da aparılacaq”.

Qeyd edək ki, Prezident İlham Əliyev Nazirlər Kabinetinin 2018-ci ilin doqquz ayının sosial-iqtisadi inkişafının yekunlarına və qarşıda duran vəzifələrə həsr olunan iclasında məcburi köçkünlərlə bağlı bir sıra məsələlərə toxunub. O cümlədən, mənzillərin verilməsində neqativ halların aradan qaldırılması, şəffaflığın və ədalətliliyin təmin edilməsi ilə bağlı çox ciddi tapşırıqlar verib.

Oxu.az

Saytların yığılması Saytlarin yigilmasi

Bənzər məqalələr

Bir cavab yazın

This site uses Akismet to reduce spam. Learn how your comment data is processed.

Back to top button