2024-cü ildə Azərbaycanda həbsdə olan jurnalistlər 2024-cü ildə Azərbaycanda həbsdə olan jurnalistlər
ÖLKƏ

417 min saxta iş yeri

İşsizlərin sıra sayı 11 ayda 53,7 min nəfər, son 2 il 11 ayda 227,4 min nəfər artıb… Hökumət isə hələ də “5% – 250 min işsiz” deyir və öz iddiasından bir addım da geri durmur…

Ölkədə iqtisadi fəal əhalinin sayı rəsmi məlumatlara görə 01.01.2017-ci il tarixə 5 012,70 min nəfər, 01.12.2017-ci il tarixə 5 073,20 min nəfər olub. Deməli, ötən 11 ayda əmək qabiliyyətli əhalinin sıralarına yeni qoşulanların sayı 60,5 min nəfər olub.

Ötən 11 ayda daimi iş yeri olanların (muzdla çalışanların) sayı isə aşağıdakı kimi dəyişib: 01.01.2017-ci il tarixə 1 514,4 min nəfər; 01.12.2017-ci il tarixə 1 521,2 min nəfər. Bu göstərici üzrə artım 6,8 min nəfərdir.

Saytların yığılması Saytlarin yigilmasi

Doğrusu, investisiya və kredit qoyuluşlarının azaldığı bir şəraitdə daimi iş yerlərinin sayının artması şübhəlidir və inandırıcı deyil. Hətta bu şübhə və inamsızlığı bir kənara qoysaq belə, yuxarıdakı məlumatların müqayisəsi göstərir ki, ötən ilin 11 ayında iqtisadi fəal əhalinin sıralarına yeni qoşulanların sayının 60,5 min nəfər olmasına baxmayaraq, daimi işləyənlərin sayı vur-tut 6,8 min nəfər artıb. Buradan o nəticə çıxır ki, iqtisadi fəal əhali sırasına yeni qoşulan 60,5 min nəfərin 6,8 min nəfəri özünə iş tapa bilib. Qalan 53,7 min nəfəri (60,5 – 6,8) isə işlə təmin olunmayıb, işsiz qalaraq işsizlər ordusunun sıralarına qoşulub.

Hesablamalar göstərir ki, 2015-ci ilin əvvəlindən üzü bu yana işsizlər ordusunun sıraları 227,4 min nəfər genişlənib. Hələ yalnız 2 il 11 ayda işsizlərin sayında əmələ gəlmiş bu artım göstəricisi hökumətin işsizlərin ümumi sayına dair açıqladığı rəqəmin (250 min) 91 faizi qədərdir.

Yayılan digər rəsmi məlumatlarda iddia olunur ki, 2015, 2016 və 2017-ci illərdə ölkədə üst-üstə 422 min 972 daimi iş yeri yaradılıb. Amma daimi işləyənlərin sıra sayı bu dövrdə vur-tut
5 min 100 artıb. Bunu da nəzərə alsaq, belə qənaət hasil olur ki, qeyd edilən dövrdə 417 min 872 daimi iş yeri sıradan çıxaraq bağlanıb (422 972 – 5100 = 417 872). Əgər belə olmasaydı, daimi işləyənlərin (muzdla işləyənlərin) sıra sayı 1,9 milyon nəfərdən çox olmalıydı. Lakin DSK-nın yaydığı rəsmi məlumata görə ölkədə daimi iş yeri olanların sayı 1,5 milyon nəfərdir.

Deməli, ölkədə işsizlik səviyyəsi və yeni iş yerlərinin yaradılması haqqında açıqlanan məlumatlar təsdiqini tapmır. İctimai inam yükünü lap çoxdan itirmiş köhnə informasiyaları təkrar-təkrar dövriyyəyə buraxmaqla irəli getmək, sosial sahədəki tənəzzülü durdurmaq, əhalinin yaşayışını yaxşılaşdırmaq olmaz. Belə bir vəziyyətdə aldadılan ictimaiyyətdən dəstək almaq da mümkün deyil. Odur ki, “Ən böyük biclik düzlükdür!” prinsipindən çıxış edərək real problemlərin həllinə köklənmək daha düzgün yoldur. Xeyir də, bərəkət də bu yoldadır…

azadliq.info

Saytların yığılması Saytlarin yigilmasi

Bənzər məqalələr

Bir cavab yazın

This site uses Akismet to reduce spam. Learn how your comment data is processed.

Back to top button