Amerikaya viza lotereyasının nəticələri açıqlandı
ABŞ-ın “Green Card” viza lotereyasının 2016-2017-ci il nəticələri açıqlanıb.
Musavat.com xəbər verir ki, ABŞ-da yaşamaq və işləmək imkanı təklif edən “Green Card” (Yaşıl kart) nəticələri Azərbaycan saatı ilə saat 20:00-da açıqlandı.
Nəticələri öyrənmək istəyənlər https://www.dvlottery.state.gov/ linkindən istifadə edə bilərlər.
2015-ci ilin oktyabr ayında müraciət edənlərin nəticələri 2016-ci ilin may ayında açıqlanır və onların 2017-ci ildə ABŞ-a getməsi nəzərdə tutulub. Amerika dövləti 2017-ci ildə 50 min immiqrantı ölkəyə qəbul etməyi planlaşdırır.
Viza lotereyası qazananlar bir ay içərisində Amerika səfirliyinə müraciət etməlidir. Nəticələr bir ay müddətində siyahıda saxlanılacaq.
“Green Card” 2018-ci il üçün müraciət etmək istəyənlər bu ilin oktyabr ayının 1-dən noyabrın 3-nə qədər www.dvlottery.state.gov saytında qeydiyyatdan keçə bilərlər.
Qeyd edək ki, bu vizanı əldə edənlər 5 ildən sonra Amerika vətəndaşlığı almaq şansı qazanırlar.
