Son bir gündə Azərbaycanda koronavirus (COVID-19) infeksiyasına 930 yeni yoluxma faktı qeydə alınıb, bu virusa yoluxanlardan isə 703 nəfər sağalıb
Son bir gündə Azərbaycanda koronavirus (COVID-19) infeksiyasına 930 yeni yoluxma faktı qeydə alınıb, bu virusa yoluxanlardan isə 703 nəfər sağalıb.
Bu məlumatı yanvarın 18-də Nazirlər Kabineti yanında Operativ Qərargah yayıb.
Qərargahdan açıqlanıb ki, son bir sutkada COVID-19 üçün götürülən analiz nümunələri müsbət çıxan 12 nəfər vəfat edib.
Qurumdan bildirildiyinə görə, indiyə kimi ölkədə ümumilikdə 627 min 15 nəfərin koronavirus infeksiyasına yoluxması faktı müəyyən edilib, onlardan 609 min 480-i sağalıb, 8541-i vəfat edib, aktiv xəstə sayı 8994-ə yüksəlib.
Xatırlatma
2019-cu ilin sonlarında dünyada yeni koronavirus aşkar edilib.
2020-ci il martın 11-də Dünya Səhiyyə Təşkilatı koronavirusu pandemiya elan edib.
Dünyada sürətlə yayılan bu virusdan indiyə qədər 5.5 milyondan çox şəxsin vəfat etdiyi açıqlanıb.
Mənbə: AzadlıqRadiosu
“24 saat”