Now Reading:
Abel Məhərrəmovu prorektor əvəz etdi – FOTO

Abel Məhərrəmovu prorektor əvəz etdi – FOTO

Prezident İlham Əliyevin sərəncamı ilə noyabrın 15-də Bakıd Dövlət Universitetinin rektoru vəzifəsindən azad edilən Abel Məhərrəmovun vəzifəsini universitetin  Tədrisin təşkili və təlim texnologiyaları üzrə prorektoru İradə Əliyeva əvəzləyir.

24saat.org xəbər verir ki,İradə Əliyeva biologiya elmləri doktoru, professordur.

2 3

O, 1959-cu il oktyabr ayının 23-də Gəncə şəhərində ziyalı ailəsində anadan olub

1976-1981-ci illərdə Azərbaycan Dövlət Universitetinin (indiki Bakı Dövlət Universiteti) Fizika fakültəsinin əyani şöbəsində (rus bölməsində) təhsil alıb və fərqlənmə diplomu ilə bitirdikdən sonra gənc mütəxəssis kimi təyinatla Azərbaycan Elmlər Akademiyasının Qeyri-üzvi və Fiziki Kimya İnstitutuna işə göndərilib.
1983-cü ildə Bakı Dövlət Universitetinin Optika və molekulyar fizika kafedrasının əyani aspiranturasına daxil olub və 1986-cı ildə namizədlik dissertasiyasını müvəffəqiyyətlə müdafiə edib.
1986-1992-ci illərdə Bakı Dövlət Universitetinin Molekulyar Biofizika Elmi-Tədqiqat laboratoriyasının kiçik elmi işçisi, 1992-1995-ci illərdə elmi işçisi, 1995-1997-ci illərdə böyük elmi işçisi, 1997-2002-ci illərdə aparıcı elmi işçisi, 2002-2006-cı illərdə baş elmi işçisi, 2006-2011 Bakı Dövlət Universitetinin Elmi-Tədqiqat Hissəsinin rəisi vəzifələrində çalışıb.

2009-2011-ci illər ərzində Bakı Dövlət Universitetinin Beynəlxalq Elm və Təhsilə İnteqrasiya şöbəsinin müdiri vəzifəsində çalışıb.
2011-cı ilin may ayının 26-dan bu vaxta qədər Bakı Dövlət Universitetinin Tədrisin təşkili və təlim texnologiyaları üzrə prorektorudur.
2003-cü ildən Yeni Azərbaycan Partiyasının üzvüdür.
2007-ci ildə BDU Rektorunun Fəxri Fərmanı ilə təltif edilib.
2009-cu il oktyabr ayının 30-da AR Prezidentinin Sərəncamı ilə “Tərəqqi” medalı ilə təltif olunub.
Ailəlidir, iki övladı var.

4

ELMİ DƏRƏCƏ VƏ ELMİ ADLARI

1986-cı ildə İstilik fizikası və molekulyar fizika ixtisası üzrə fizika-riyaziyyat elmləri namizədi alimlik dərəcəsini almaq üçün “X537A antibiotik molekulunun və onun üzvi ionlarla qeyri-valent komplekslərin nəzəri konformasiya analizi” mövzusunda namizədlik dissertasiyasını müdafiə edib (Bakı ş., Bakı Dövlət Universiteti).

2000-ci ildə Biofizika ixtisası üzrə biologiya elmləri doktoru alimlik dərəcəsini almaq üçün “Bioloji sistemlərdə üzvi və qeyri-üzvi təbiətli ionları bağlayan maddələrin quruluş-funksiya xüsusiyyətləri” mövzusunda doktorluq dissertasiyasını müdafiə edib (Bakı ş., Bakı Dövlət Universiteti).

2006-cı ildə Biofizika ixtisası üzrə professor elmi adı alıb (Bakı ş.).

1976-1981-Azərbaycan Dövlət Universitetinin Fizika fakültəsinin əyani şöbəsinin tələbəsi;
04.11.1981-20.12.1983-Azərbaycan Milli Elmlər Akademiyasının Qeyri-üzvi və Fiziki Kimya İnstitutunda böyük laborant;
20.12.1983-25.10.1986-Bakı Dövlət Universitetinin Optika və molekulyar fizika kafedrasının əyani aspirantı;
15.11.1986-02.04.1988-Bakı Dövlət Universitetinin Optika və molekulyar fizika kafedrasının böyük laborantı;
02.04.1988-14.12.1992-Bakı Dövlət Universitetinin Molekulyar Biofizika Elmi-Tədqiqat laboratoriyasının kiçik elmi işçisi;
14.12.1992-01.12.1995-həmin laboratoriyanın elmi işçisi;
01.12.1995-05.11.1997- həmin laboratoriyanın böyük elmi işçi işçisi;
05.11.1997-05.11.2002- həmin laboratoriyanın aparıcı elmi işçisi;
05.11.2002-10.10.2006-Bakı Dövlət Universitetinin Fizika Problemləri Elmi-Tədqiqat İnstitutunun Nəzəri fizika şöbəsinin baş elmi işçisi;
10.10.2006-26.05.2011- Bakı Dövlət Universitetinin Elmi-Tədqiqat Hissəsinin rəisi;
26.05.2011-ci ildən Bakı Dövlət Universitetinin Tədrisin təşkili və təlim texnologiyaları üzrə prorektorudur.

 

Input your search keywords and press Enter.