Now Reading:
Abituriyentlərə XƏBƏRDARLIQ: ixtisas seçimində iştiraka icazə verilməyəcək

Abituriyentlərə XƏBƏRDARLIQ: ixtisas seçimində iştiraka icazə verilməyəcək

Dövlət İmtahan Mərkəzi aprelin 9-da keçirilən qəbul imtahanını Azərbaycan dilindən fərqli dildə verən abituriyentlər üçün keçirilmiş “Azərbaycan dili” imtahanında “qeyri məqbul” qiymət alan və ya iştirak etməyən şəxslərə xəbərdarlıq edib.
DİM-dən Publika.az-a verilən məlumata görə, həmin abituriyentlər elektron ərizələrində I-IV ixtisas qrupları üzrə yazda keçiriləcək imtahanda iştirak etmək üçün qeyd aparıblarsa, aprel-may aylarında keçiriləcək ilk qəbul imtahanında iştirak edə bilərlər. Lakin 11 iyunda keçiriləcək növbəti Azərbaycan dili imtahanında “qeyri-məqbul” qiymət alacaqları təqdirdə onlara ixtisas seçimində iştirak etməyə icazə verilməyəcək.

Qeyd edək ki, imtahanda iştirakı nəzərdə tutulan 6151 abituriyentdən 92 nəfəri imtahana gəlməyib. İmtahanda iştirak edən 6059 abituriyentdən 4561 nəfəri tələb olunan müsabiqə şərtini ödəyərək “məqbul” qiymət alıb.

SİZ DƏ FİKRİNİZİ YAZIN

This site uses Akismet to reduce spam. Learn how your comment data is processed.

24saat.org@gmail.com
Çəkdiyiniz videoları bu ünvana yollamaqla bizimlə əməkdaşlıq edə bilərsiniz! Telefon - 055 239-48-36
Input your search keywords and press Enter.