Associated Press (AP) agentliyinin açıqladığı qeyri-rəsmi nəticələrə görə, Gürcüstanda senator seçkilərində heç bir namizəd 50 faizlik həddi keçə bilməyib. Ştat qanunlarına görə, ikinci tur dekabrın 6-da keçiriləcək.
Seçki demokrat Rafael Uornok və ən çox səs toplayan respublikaçı Herşel Uoker arasında olub, 3-cü yerdə qərarlaşan liberal Çeyz Oliver isə ikinci turda iştirak edə bilməyəcək.
Digər tərəfdən, aralıq seçkilərdə 100 yerlik Senatdakı yerlər üçün kritik əhəmiyyət kəsb edən Gürcüstanda seçkilərin ikinci turu başa çatana qədər kimin çoxluğa sahib olacağı bəlli olmaya bilər.
Açıqlanan qeyri-rəsmi nəticələrə görə, respublikaçılar 49, demokratlar isə 48 mandata sahibdirlər. Nəzərə alsaq ki, Arizona ştatında Demokratlar Partiyasının namizədi ilə Nevada ştatında hələ nəticələri bəlli olmayan ştatlardan biri olan Respublikaçı namizəd nəzərə alınsa, bu balans 50-49 səviyyəyə çata bilər.
Beləliklə, əgər Respublikaçılar Gürcüstanda qalib gəlsələr, həmin partiya Konqresin bu palatasında çoxluğu təmin etmək üçün lazımi rəqəmləri əldə edəcək.
Amma Demokratların namizədi Gürcüstanda qalib gəlsə, Senatda balans 50 ilə 50 arasında olacaq. Belə olan halda ABŞ-ın vitse-prezidenti demokrat Kamala Harris Senatın sədri kimi tarazlığı pozacaq və Senatın əksəriyyəti demokratlarda qalacaq.
Dünən ölkədə keçirilən seçkilərdə xalq 435 yerlik Nümayəndələr Palatasının tamamı və 100 yerlik Senatda 35 yer üçün sandıq başına gedib. Senatdakı 6 illik səlahiyyətlərini başa vurmayan 29 Respublikaçı və 36 Demokrat seçkilərə qatılmayıb. (AA)
Tərcümə“24 SAAT”
