Rusiyaya qarşı qəbul edilən sanksiyalar Ukraynada sülhün bərqərar olmasını nəzərdə tutan Minsk-2 razılaşması yerinə yetirilməyənə qədər davam edəcək.
Axar.az xəbər verir ki, bu sözləri ABŞ Dövlət katibinin müavini Antoni Blinken deyib.
“Sanksiyalar Minsk-2 razılaşması yerinə yetirilməyənə qədər davam edəcək. Bu barədə fikrimiz qətidir. Son bir ay ərzində Donbas bölgəsində atəşkəs 14 min dəfədən çox pozulub. Üstəlik, Minsk müqaviləsinə görə qadağan olunan silahlar da atışmalar zamanı istifadə edilib”, – Blinken bildirib.
