ABŞ hərbçiləri Türkiyə gəmisini saxladılar – 2 qardaş hərb edilib + FOTOLAR
ABŞ-ın Nyu-Cersi ştatında yerləşən “Elizabeth” limanında Amerikanın Miqrasiya və Gömrük İdarəsinin xəfiyyə əməkdaşları Türkiyəyə məxsus “Niledutch Opresy” adlı yük gəmisini saxlayıb.
Ölkə.Az xəbər verir ki, amerikalılar Türkiyə gəmisinin kapitanı, 36 yaşlı Özcan Köse və onun qardaşı, baş maşinist 35 yaşlı Oğuz Köseni həbs ediblər. ABŞ-ın Miqrasiya və Gömrük İdarəsi saxlanılan Türkiyə vətəndaşlarının Pensilvaniyada məhkəmə önünə çıxarılacağını bəyan edib. Onlar ABŞ-a qanunsuz olaraq miqrant daşımaqda təqsirli bilinirlər.
İlkin dindirilmə zamanı qardaşlar ittihamları qəbul ediblər. Onlar qanunsuz daşıdıqları miqrantların hər birinə görə 25 min dollar aldıqlarını deyiblər.
Qeyd edək ki, Amerikanın Miqrasiya və Gömrük İdarəsi bir neçə il olardı ki, bu qardaşların axtarışındadır. Amerika hüquq-mühafizə orqanları iki qardaşın təşkil etdiyi bandanın izinə 2013-cü ildən düşüb. Həmin vaxt bir qaçaq miqrant saxlanıldıqdan sonra Amerikaya qardaşların köməyilə keçdiyini etiraf etmişdi. Sonradan isə azad olunması müqabilində polislərlə əməkdaşlığa başlayıb.
Nicholas K. Feil adlı cəsus sonradan qardaşların yaxalanması üçün lazımı informasiyaları Amerikanın hüquq mühafizə orqanlarına ötürürmüş.
