“ABŞ-ın anti-Türkiyə bəyanatı qısqanclığın təzahürüdür”
İlqar Vəlizadə: “Rəsmi Vaşinqtonun narahatlığı anti-terror əməliyyatlarına təsir etməyəcək”
ABŞ Türkiyənin İraq və Suriyada apardığı anti-terror əməliyyatları ilə bağlı narahatlığını dilə gətirib. Rəsmi Vaşinqtonu narazı salan məqamlardan biri də Türkiyənin bu əməliyyatlarla bağlı ABŞ-ı məlumatlandırmamasıdır.
Maraqlıdır, ABŞ Türkiyənin İraq və Suriyadakı əməliyyatlarını hansısa formada ənglləyə bilərmi?
Moderator.az-a açıqlama verən politoloq İlqar Vəlizadə baş verənləri ABŞ-ın qısqanclığı ilə izah etdi:
“Maraqlıdır ki, ABŞ-ın bu narahatlığı Ərdoğanla Putin arasındakı danışıqdan sonra meydana çıxdı. Həmin danışıqlara qədər isə biz tamam başqa şeylər eşidirdik. Eşidirdik ki, Tramp və Ərdoğan arasında danışıq olub, prezidentlərin görüşü təşkil olunur və s. Burda qısqanclıq amili özünü daha çox göstərir. Türkiyə son vaxtlara qədər Əsəd məsləsində ABŞ-ın möveyini dəstəkləməklə yanaşı, Rusiyanın da narahatlıqlarını nəzərə alırdı. İndi isə Türkiyənin bu addımları ABŞ-ı narahat edir. ABŞ hesab edirdi ki, Türkiyəni siyasi nəzarət altına ala biləcək. Lakin son hadisələr fonunda başa düşdü ki, yanılır.
ABŞ-ın məlum narahatlığı və Türkiyə ilə bağlı verdiyi bəyanatlar Türkiyənin mövqeyinə, İraq və Suriyada apardığı əməliyyatlara təsir etməyəcək. Necə ki, bundan öncə də ABŞ buna nail ola bilməyib”.
