ABŞ-ın Merilend ştatı polisindən verilən açıqlamada, ştatın Frederik bölgəsində bir qaz tankerinin magistral yolda aşaraq partladığı bildirilib. Açıqlamada qəza nəticəsində tanker sürücüsünün öldüyü bildirilib.
Partlayışdan sonra baş verən yanğın nəticəsində ətrafdakı evlərə və çoxlu sayda avtomobilə ziyan dəydiyi bildirilən açıqlamada, başqa ölən və yaralananların olmadığı vurğulanıb.
Hadisənin baş verdiyi yol nəqliyyata bağlanarkən, qəzanın səbəbləri ilə bağlı araşdırmaların davam etdiyi bildirilib.
Frederik Bələdiyyə Başçısı Michael O’Connor Facebook-da verdiyi açıqlamada bütün resursları əraziyə yönəltdiklərini və sakinlərdən hadisə yerindən uzaq durmalarını istədiklərini bildirib. (AA)
Tərcümə“24 SAAT”
