Loading...
Loading...
Dünya

ABŞ: İran Rusiyaya dronlar göndərməyə hazırlaşır

Sallivan Tehranın indiyədək Rusiyaya pilotsuz aparatlar verib-vermədiyinin bəlli olmadığını bildirib

ABŞ hökuməti bildirir ki, İran Rusiyaya Ukraynadakı müharibədə istifadə etmək üçün “yüzlərlə” pilotsuz uçuş aparatı, o cümlədən silahlı dronlar göndərməyi planlaşdır.

Milli təhlükəsizlik müşaviri Ceyk Sallivan iyulun 11-də jurnalistlərə deyib ki, Vaşinqtonda İranın Rusiya qüvvələrinə dronlardan istifadə üçün təlim keçməyə hazırlaşdığını göstərən informasiya var.

Təlim də keçməlidir

Bu arada fevralın 24-də işğala başlayan Rusiya ordusunun böyük itkilər verəndən sonra silah arsenalını saxlamağa çalışdığı haqda məlumatlar gəlir.

İran hökuməti Rusiyaya sürətləndirilmiş qrafiklə bir neçə yüz PUA, o cümlədən silahlı PUA-lar göndərməyə hazırlaşır”, – Sallivan vurğulayıb.

“Bizdə olan məlumata görə, İran Rusiya qüvvələrinə bu PUA-lardan istifadə üçün təlim keçməyə hazırlaşır, ilkin təlimlər iyulun əvvəlində başlamalıydı”, – o söyləyib.

Sallivan Tehranın indiyədək Rusiyaya pilotsuz aparatlar verib-vermədiyinin bəlli olmadığını bildirib.

Silah ehtiyatını qorumaq

Sallivan deyib ki, bu, Rusiyanın Ukraynanı kütləvi bombalayandan sonra “öz silah ehtiyatını qorumaq” cəhdinin əlamətidir. Moskva Kiyev ətrafından qüvvələri çəkəndən sonra Ukraynanın şərqində möhkəmlənməyə çalışır.

Milli təhlükəsizlik müşaviri onu da qeyd edib ki, İran Yəməndəki husi üsyançılara da oxşar dronlar verib. Bu ilin əvvəlində atəşkəs elan ediləndən öncə həmin dronlarla Səudiyyə Ərəbistanına zərbələr endirilib.

Ukrayna müharibəsində dronlar hər iki tərəf üçün vacib rol oynayır.

Kiyev Türkiyə istehsalı Bayraktar döyüş dronlarından uğurla istifadə edir. Vaşinqton və digər müttəfiqlər Ukraynaya daha kiçik dronlar da göndəriblər.

24 saat” “
ABŞ: İran Rusiyaya dronlar göndərməyə hazırlaşır
” başlıqlı yazını “AzadliqRadiosu”na istinadən dərc edib

Xeberler

Gözdən qaçırmayın:  Blinken Şri- Lankadakı çaxnaşmada taxıl böhranının rolunu görür

This site uses Akismet to reduce spam. Learn how your comment data is processed.

Back to top button