Dünya

ABŞ kəşfiyyatı: Duqinanın ölümünün arxasında ukraynalılar dayanır

Rusiyada ultramillətçi filosof Duqin Rusiyanın Ukraynadakı müharibəsinin qızğın tərəfdarı kimi çıxış edib

ABŞ kəşfiyyatı inanır ki, Kremlə bağlı ifrat sağçı Aleksandr Duqinin qızının ölümünün arxasında Ukrayna hökuməti daxilindəki elementlər dayanır. Bu haqda ABŞ mediası oktyabrın 5-də yazıb.

Duqina idarə etdiyi avtomobilin partladılması nəticəsində həlak olub. Birləşmiş Ştatların bu hücumda əli, plandan öncədən xəbəri olmayıb, məsləhət edilsəydi bu qətlə qarşı çıxardı, adı açıqlanmayan mənbələr belə deyiblər.

Avqustun 20-də Moskvada törədilmiş hadisəylə bağlı ABŞ kəşfiyyatının dəyərləndirməsi haqda ilk dəfə “The New York Times” yazıb.

Ancaq qətlə konkret kim göstəriş verib, yaxud Prezident Volodimir Zelenskinin plandan xəbəri olubmu – bu məsələlər aydın deyil.

Rusiyanın Federal Təhlükəsizlik Xidməti (FSB) də hadisədən bir neçə gün sonra Ukrayna gizli xidmətini ittiham etmişdi.

Ancaq Ukrayna prezidentinin müşaviri Mixaylo Podolyak Kiyevin sui-qəsdin arxasında durmasını təkzib etmişdi.

ABŞ kəşfiyyatının dəyərləndirməsinə münasibət bildirən Podolyak yenə həmin təkzibi dilə gətirib. Onun sözlərinə görə, müharibə vaxtı hər hansı ölkədə qətl praktik əhəmiyyət daşımalıdır. “Spesifik, taktiki, yaxud strateji məqsədi olmalıdır. Duqina kimi birisi Ukrayna üçün taktiki, yaxud strateji hədəf deyil”, – o deyib.

Ukraynadan başqa rəsmi açıqlama olmayıb. ABŞ-ın kəşfiyyat agentlikləri də məsələni şərh etməyib.

ABŞ həmin hadisədən sonra istənilən yerdə mülki şəxslərin qəsdən hədəfə alınmasını pisləmişdi.

Bu ölkənin kəşfiyyat rəsmiləri inanırlar ki, partlayışın əsas hədəfi Duqinanın atası olub, o həmin gecə avtomobilə minməyib.

Rusiyada ultramillətçi filosof Duqin Rusiyanın Ukraynadakı müharibəsinin qızğın tərəfdarı kimi çıxış edib.

Ukrayna hökuməti indiyədək Rusiya qüvvələrinin işğal etdiyi ərazilərdə Moskvanın təyin etdiyi məmurları öldürdüyünü təkzib etməyib.

24 saat” “
ABŞ kəşfiyyatı: Duqinanın ölümünün arxasında ukraynalılar dayanır
” başlıqlı yazını “AzadliqRadiosu”na istinadən dərc edib

Xeberler

Gözdən qaçırmayın:  Ukrayna döyüş zonasında daha çox irəli getdiyini deyir

This site uses Akismet to reduce spam. Learn how your comment data is processed.

Back to top button