ABŞ prezidenti Co Baydenin 2009-2017-ci illərdə vitse-prezident olduğu dövrə aid məxfi sənədlər ortaya çıxmaqda davam edir. ABŞ prezidenti Co Bayden verdiyi açıqlamada ABŞ mediasının Baydenin vitse-prezidentliyinə aid yeni məxfi sənədlərlə bağlı iddialarını təsdiqləyərək, sənədlərin kilidli qarajda tapıldığını bildirib. Bayden, “İnsanlar bilir ki, mən məxfi materiala ciddi yanaşıram” dedi və istintaq çərçivəsində müvafiq orqanlarla tam əməkdaşlıq edir.
“Şəxsi və siyasi sənədlər arasında hüquqşünaslar Obama-Bayden Administrasiyasının məxfi kimi qeyd olunan az sayda qeydlərini aşkar etdilər” dedi Baydenin məsləhətçilərindən biri olan Riçard Sauber: “Bu sənədlərin birindən başqa hamısı Prezidentin Wilmington-un qarajında tapıldı. anbarda tapılıb. Bir səhifədən ibarət sənəd bitişik otaqda saxlanılan materialların arasından tapılıb”. Sauber müvafiq orqanlarla tam əməkdaşlıq etdiklərini bildirib.
Vitse-prezidentlik dövrünə aid “məxfi sənədlər” Baydenin Pensilvaniya Universitetində Diplomatiya və Qlobal Münaqişə üzrə Penn Bayden Mərkəzində fəxri professor vəzifəsində çalışarkən paytaxt Vaşinqtondakı ofisində tapılıb. Sənədlərdə Ukrayna, İran və İngiltərə kimi mövzular da daxil olmaqla, məxfi sənədlərin, kəşfiyyat məlumatlarının və brifinq qeydlərinin tapıldığı paylaşılıb.
Bayden dünən, sözügedən sənədlərin vəkilləri tərəfindən kilidli şkafda tapıldığını və Milli Arxivlər və Qeydlər İdarəsinə (NARA) məlumat verildiyini söylədi. (İHA)
Tərcümə“24 SAAT”
