ABŞ prezidenti Co Bayden və həyat yoldaşı Cil Bayden Ağ Evin bağçasında uşaqlarla birlikdə Hellouin bayramını qeyd ediblər.
Halloween bəzəkləri ilə bəzədilmiş bağçada Bayden cütlüyü fövqəladə xilasetmə qrupları mövzusunun qeyd edildiyi şənlikdə yanğınsöndürən, tibb bacısı və polis geyimi geyinmiş uşaqlarla zarafat edib, onlara şirniyyat və hədiyyələr paylayıb, birlikdə xatirə fotoşəkilləri çəkdiriblər.
Ailələri ilə birlikdə Ağ Evin cənub qapısından gələn yüzlərlə uşaq rəngli geyimləri ilə maraqlı görüntülər yaradıb.
Bayden qonaqları başında beysbol papağı ilə qarşılayarkən, həyat yoldaşı Cil Baydenin üzərindəki qanadlı kəpənək kostyumu diqqət çəkib.
Bayden cütlüyü keçən il Avropaya getdikləri üçün Ağ Evdə uşaqlarla birlikdə Hellouin bayramını qeyd edə bilməyiblər. (AA)
Tərcümə“24 SAAT”