ABŞ-Rusiya böhranında gözlənən 3 ssenari
ABŞ-ın İdlibdəki kimyəvi silah hücumundan sonra Suriya bazasını vurmasıyla yüksələn təzyiq Rusiya da gündəm oldu. Rus mətbuatına görə ABŞ-Rusiya münasibətlərində bundan sonra nə ola biləcəyinə dair 3 ssenari danışılır.
Türkiyə mənbələrində deyilir ki, “Rossiyskaya Gazeta”’ rus analitiklərinin baş verə biləcək ssenarilərini belə sıralayıb:
1- Rusiya-ABŞ arasında ciddi qarşıdurma
Bəzi mütəxəssislər ABŞ hücumunun ardından Rusiyanın bölgədə öz hərbi varlığını “nümayiş” etdirmək üçün bir göz dağı verə biləcəyi düşüncəsindədir. Əgər ABŞ hücumu təkrarlasa, Suriya torpaqlarında yerləşdirilmiş hava müdafiə raketləri ilə bəzi ABŞ raketlərinin vurulacağı danışılır. Rus analitiki Aleksey Fenenko ABŞ hücumunu təkrarladığı halda, Rusiyanın güc istifadə edərək qarşılıq vermək məcburiyyətində qala biləcəyini deyir.
2– Uçurumun kənarına yolçuluq
Bir başqa analitik Dmitri Suslov Trampın hərbi addımlarının “Buş rəhbərliyinin yüngül versiyası” mənasına gələcəyini bildirib. ABŞ-ın yenidən Əsədin getməsini şərt qoyması halında Rusiyanın “müttəfiqini satmamaq” məcburiyyətində olduğunu söyləyən mütəxəssis deyib ki, Trampın zəif görünməmək üçün etdiyi gövdə nümayişi Moskva-Vaşinqton əlaqələrini uçurumun kənarına gətirib çıxara bilər. O, Kuba böhranını buna nümunə göstərir.
3- Diplomatik həll
Xəbərə görə Rusiyada müzakirə edilən ən optimist ssenari budur. Rus analitiklərinə görə, Rusiya ABŞ-a hərbi cavab verməmək məsələsini beynəlxalq təşkilatlara və ictimaiyyətə “ABŞ təcavüzkarlığı” olaraq təqdim etməyə çalışacaq. Bu ssenaridə Rusiyanın Suriyadakı hərbi gücünü artırmağı nəzərdə tutan bir hal olmadığı bildirilir. Bu versiyaya görə, ABŞ-ın Xarici işlər naziri Tillersonun Moskva ziyarətiylə çətin bir bazarlıq müddəti başlaya bilər.
azadliq.info
24saat.org
Mənbə – azadliq.info