ABŞ Ukraynaya enerji sistemləri üçün 53 milyon dollar verəcək
ABŞ Dövlət Departamentinin bəyanatında deyilir ki, ukraynalıların bu qışdan salamat çıxması üçün bu avadanlıqlar Kiyevə mümkün qədər tez çatdırılmalıdır
Birləşmiş Ştatlar noyabrın 29-da Ukraynaya enerji sistemləri avadanlığının alınması üçün 53 milyon dollar yardım verəcəyini bəyan edib.
Rusiya hazırda Ukraynanın mülki obyektlərinə, xüsusilə də enerji sistemlərinə ağır raket zərbələri endirir.
Moskva bildirir ki, bundan məqsəd Ukraynanı danışıqlara məcbur etməkdir.
Rusiyanın raket və dron zərbələri nəticəsində milyonlarla ukraynalı qaranlqıda və soyuqda qalıb.
Qışdan sağ çıxarmaq üçün
ABŞ Dövlət Departamentinin bəyanatında deyilir ki, ukraynalıların bu qışdan salamat çıxması üçün bu avadanlıqlar Kiyevə mümkün qədər tez çatdırılmalıdır.
Dövlət Departamentinin bəyanatında deyilir ki, bu avadanlığa paylayıcı transformatorlar, şəbəkə ötürücüləri və releleləri, habelə başqa cihazlar daxildir.
Rusiya Ukraynanın enerji sistemlərinə oktyabrın əvvəllərindən, demək olar hər həftə raket yağıdırır.
Kiyev və onun müttəfiqləri bu hərəkəti hərbi cinayət adlandırırlar.
Ukrayna elektrik enerjisinin 70 faizini təchzi edir
Ukraynanın baş naziri Denis Şmıhal noyabvrın 29-da deyib ki, Rusiyanın raket zərbələri nəticəsində dağıntılara məruz qalmış enerji sistemi ölkənin elektrikə olan ehtiyacının 70 faizini verir.
Onun sözlərinə görə 30 faizlik kəsir elektrikin növbəli kəsilməsi və qənaət hesabına təmin edilir.
Bu da xəbər verilir ki, Ukraynanın Kiyevin nəzarətində olan bütün regionlarında elektrik təchizatı var.
Bu mənada yeganə istisna yenicə azad edilmiş Xerson şəhəri və onun ətraf əraziləridir.
Bu ərazilər geri çəkilən Rusiya ordusu tərəfindən minalanıb və bu, energetiklərin işini xeyli çətinləşdirir.
