ABŞ və Kanadada -45 dərəcəyə çatan soyuq hava fırtınaları səbəbindən fəlakət yaşanır. Milyonlarla insan “nəsildə bir dəfə” şiddətli soyuq və qarlı hava ilə mübarizə aparır. Şimali Amerika qitəsi ən soyuq ilini yaşayarkən, Böyük Britaniyanın milli meteorologiya xidməti Met Office, ölkədə ən isti il olduğunu açıqlayıb.
Met Office internet saytında edilən açıqlamada, İngiltərədə ən yüksək illik orta temperaturun yaşandığı 2022-ci ilin 2014-cü ildə rekord orta göstəricini 9,88 dərəcə keçməsinin gözləndiyi ifadə edildi. İngiltərənin mərkəzi hissəsində son 364 ilin ən isti ili kimi müəyyən edilib.
İngiltərənin mərkəzi hissəsində temperatur 2022-ci ilin dekabr ayı istisna olmaqla, ilin hər ayı orta səviyyədən yuxarı idi. Ölkədə ilk dəfə yayda 40 dərəcəni keçən temperatur həyatı iflic etdi.
Ən isti temperaturun 40,3 dərəcə qeydə alındığı Coningsby və Lincolnshire, İngiltərənin əvvəlki rekordunu 1,6 dərəcə ötüb. Met Office iyul ayında həddindən artıq istilər üçün ilk qırmızı xəbərdarlığını etdi.
Həmçinin, Uels 37,1 dərəcə Selsi maksimum temperatur rekordu, Şotlandiya isə 34,8 dərəcə Selsi ilə yeni rekorda imza atıb. Mərkəzi İngiltərə üçün 2022-ci il 364 illik temperatur diapazonunda qeydə alınmış ən isti il olacaq.
Rekord temperaturla yanaşı, 2022-ci il üçün ən diqqət çəkən məqamlardan biri də quru şərait oldu. Yanvarın əvvəli və fevralın sonundakı qısa dövrlər istisna olmaqla, Britaniyada ümumi yağıntıların yığılması il ərzində orta səviyyədən aşağı olmuşdur. 2022-ci il üçün yekun rəqəmlər ilin sonunda açıqlanacaq.
Tərcümə“24 SAAT”