ABŞ-da milli və yerli hava hesabat agentlikləri “nəsildə bir dəfə” şiddətli soyuq və qar şəraiti barədə xəbərdarlıq ediblər. Milli Hava Xidməti (NOAA) Milad tətili üçün səyahət etməyi planlaşdıranlara xəbərdarlıq edərək, ölkənin bəzi bölgələrində son 40 ildə yaşanmayan soyuq hava şəraitinin yaxınlaşdığını bildirib.
NOAA qeyd edib ki, “nəsildə bir dəfə” görüləcək qədər nadir olan böyük çovğun və soyuq dalğa ABŞ-ın demək olar ki, bütün ştatlarına təsir edəcək.
Meteoroloji xidmət ilin ən sıx səyahət planları zamanı “güclü qarın səyahəti çox çətin və ya qeyri-mümkün edə biləcəyinə və həyat üçün təhlükə yarada biləcəyinə” işarə etdi.
Yaxınlaşan pis hava şəraiti səbəbiylə United, American və Delta Airlines kimi şirkətlər də ölkə daxilində onlarla istiqamətə uçuşları ləğv etdiklərini açıqladılar.
Bundan əlavə, soyuq havanın təsiri ilə baş verəcək fırtınanın ölkənin Kanada sərhədindəki Great Lakes bölgəsində 3-cü kateqoriya qasırğasının təzyiqinə bərabər olacağı paylaşılıb.
NOAA-nın məlumatlarına görə, soyuq hava şəraitinin Texas-Meksika sərhədinə qədər uzanacağı proqnozlaşdırılır, ölkənin orta-qərb hissəsi isə Milad həftəsi boyunca davam edəcək fırtına və qar yağışından ən çox təsirlənəcək. (AA)
Tərcümə“24 SAAT”