Açıq lyuklara kim baxır?
İstər Bakıda, istərsə də rayonlarda açıq lyuklara tez-tez rast gəlirik.
Açıq lyuklar avtomobil qəzalarına və vətəndaşların xəsarət almasına səbəb olur.
Bəs açıq lyuklarla kim məşğul olur?
Artıq 3 aydır ki, ictimaiyyətin bu tip problemlərini həll etmək üçün Onlayn İctimai Nəzarət Platforması fəaliyyət göstərir (www.enezaret.az ). Bu müddət ərzində tək lyuklarla əlaqədar 18 müraciət daxil olub və onlardan 14-ü qısa zamanda həll olunub.
Onlayn İctimai Nəzarət Platformasının Monitorinq Mütəxəssisi Coşqun Məhərrəmlinin dediyinə görə, açıq lyuklara dair 18 müraciətdən biri rayondan, digərləri isə Bakı şəhərindən daxil olub: “Bizə müraciət olunduqda lyukların qapaqları təxminən 1 həftə ərzində həll olunur”.
Qeyd etmək lazımdır ki, açıq lyuklar adətən “AzərSu” ASC-aə və ya Rabitə və Yüksək Texnologiyalar Nazirliyinin səlahiyyətinə aid olur.
Qarşınıza açıq lyuk çıxarsa, fotosunu çəkib 055 4502013 votsup nömrəsinə göndərin (Onlayn İctimai Nəzarət Platformasının qaynar xətti).
Nəticəni saytda izləyə bilərsiniz: (https://enezaret.az/hesabatlar)