Adil Əliyevin təyin etdiyi vitse-prezident həbs edildi
Deputat Adil Əliyevin təyin etdiyi vitse-prezident dələduzluqda ittiham edilir
Azərbaycan Kikboks Federasiyasının vitse-prezidenti Aydın Əhmədov həbs edilib.
24saat.org xəbər verir ki, unikal.org-un əldə etdiyi məlumata görə, federasiya rəsmisi Baş Mütəşəkkil Cinayətkarlıqla Mübarizə İdarəsi tərəfindən 2 gün öncə saxlanılıb.
İddia olunur ki, onun həbs edilməsinə səbəb vətəndaşlardan dələduzluq yolu ilə 10 milyon manat mənimsəməsidir.
Xatırladaq ki, AKF-nin prezidenti, deputat Adil Əliyev Aydın Əhmədovu ötən ilin aprel ayında quruma vitse-prezident təyin edib. Bundan əlavə A.Əhmədov AKF-nin tərkibində yer alan “Euro Fight” klubunun direktoru olmaqla yanaşı, “Premium Travel” şirkətinin rəhbəridir.
Aydın Əhmədov Kürdəxanıda yerləşən 1 saylı Bakı İstintaq Təcridxanasına köçürülüb.
20 saylı Nərimanov II seçki dairəsindən 2005-ci ildə III çağırış, 2010-cu ildə IV çağırış və 2015-ci ildə V çağırış Azərbaycan Respublikasının Milli Məclisinin deputatı seçilib.
Adil Əliyevin qardaşı Məhərrəm Əliyev hazırda Azərbaycan Respublikası Ədliyyə nazirinin müavinidir. O əvvəllər Balı Şəhər Baş Polis İdarəsinin rəisi işləyib. 2007-2011-ci illərdəAzərbaycanın Tacikistanda fövqəladə və səlahiyyətli səfiri olub.
2012-2017-ci illərdə isə Azərbaycan Respublikası Prezidentinin Müdafiə məsələləri üzrə köməkçisi xidmətinin Müdafiə məsələləri şöbəsinin müdiri vəzifəsində çalışıb.