Gündəm
AFFA-nın baş katibi UEFA-ya seçilə bilməyib
Bu gün, aprelin 5-də Finlandiyanın paytaxtı Helsinkidə UEFA-nın 41-ci növbəti konqresi keçirilib. Toplantı beynəlxalq futbol qurumunun internet səhifəsi üzərindən yayımlanıb.
Konqresin gündəliyinə daxil olan əsas mövzularından biri UEFA İcraiyyə Komitəsinin boş yerlərinə seçkilər olub. İştirakçılar 8 komitə üzvünü seçiblər.
AFFA prezidenti Rövnəq Abdullayevin də qatıldığı toplantıda Azərbaycanın da İcraiyyə Komitəsinə namizədi olub. AFFA-nın baş katibi Elxan Məmmədovun üzvlüyə namizədliyi irəli sürülüb.
8 yer uğrunda 11 nəfər mübarizə aparıb. Ancaq AFFA-nın baş katibi az səs alaraq komitəyə seçilə bilməyib.
Toplantıda UEFA rəhbərliyinin fəaliyyət və maliyyə hesabatları da müzakirə edilib.
24saat.org
Mənbə – azadliq.org