Ağ Ev sözçüsü Əsəd-Hitler müqayisəsinə görə üzr istədi
Ağ Evin sözçüsü Şon Spayser Adolf Hitlerin İkinci Dünya müharibəsində kimyəvi silahdan istifadə etmədiyi barədə açıqlamasına görə üzr istəyib.
Spayser mətbuat konfransında “Biz İkinci Dünya müharibəsində kimyəvi silahdan istifadə etmədik. Bilirsiz ki, Hitler kimi alçaq biri də kimyəvi silahdan istifadə edəcək qədər alçalmamışdı”, – deyə bildirmişdi.
Daha sonra “Belə bir ölkə və rejimlə müttəfiq olmaq istəyirsiniz?”, deyə Rusiyaya səslənmişdi.
Ağ Ev sözçüsünün bu fikirləri jurnalistlər arasında təəccübə səbəb olub, onlar Hitlerin yəhudilərə, həmçinin digər qurbanlara qarşı zəhərli qazdan istifadə etdiyini xatırladıblar.
Bundan sonra Spayser bildirib ki, Hitler Əsəddən fərqli olaraq öz xalqına qarşı kimyəvi silah tətbiq etməyib.
Gültəkin
24saat.org
Mənbə – azadliq.info