Ağdam xəstəxanasında kütləvi zəhərlənmə
Yayımlandı: 9 Avqust 2022 15:51
Zəhərlənməyə səbəb kimi dezinfeksiya işlərinin aparılması göstərilir
Ağdam Rayon Mərkəzi Xəstəxanasının tibb işçiləri arasında kütləvi zəhərlənmə qeydə alınıb. TƏBİB-in məlumatına görə, 12 əməkdaş zəhərlənmə diaqnozu ilə xəstəxananın Qəbul şöbəsinə yerləşdirilib:
“Onların hər birinin vəziyyəti stabil olaraq qiymətləndirilir. Hazırda müalicələri davam etdirilir, vəziyyətləri TƏBİB rəhbərliyinin nəzarətindədir. Zəhərlənmənin səbəbi araşdırılır”.
Kütləvi zəhərlənməyə səbəb kimi xəstəxananın 3-cü mərtəbəsində yerləşən poliklinika şöbəsində dezinfeksiya işlərinin aparılması göstərilir. Zəhərlənənlər də həmin şöbənin əməkdaşlarıdır.
Xəstəxanadan Meydan TV-yə bildiriblər ki zəhələnənlərin vəziyyəti normaldır. Dizenfeksiya işlərini Bərdə rayon Gigiyena və Epidemologiya Mərkəzi həyata keçirib.
Baş Prokurorluğun Mətbuat xidmətindən isə bildirilib ki, hazırda rayon prokurorluğunda araşdırma aparılır.