AKP hökuməti Trampdan əvvəl Qüdsü İsrailin paytaxtı kimi tanıyıb – FAKT
ABŞ prezidenti Donald Trumpın Qüdsü İsrailin paytaxtı kimi tanıdığını elan etməsindən sonra bir çox müsəlman ölkəsində buna qarşı ciddi etirazlar baş qaldırıb.
Bu etirazların ən sərti isə gözlənildiyi kimi Türkiyədən olub.
AZ24saat.org saytı Türkiyə mətbuatına istinadən xəbər verir ki, Türkiyənin anamüxalifət partiyası CHP ortaya maraqlı iddia atıb. CHP millət vəkili Ərən Ərdəm Türkiyə Böyük Millət Məclisində bəyan edib ki, rəsmi Ankara 2016-cı ildə İsraillə imzalalnan “Mavi Mərmərə” sənədlərində Qüdsü İsrailin paytaxtı kimi tanıyıb.
Ərdəm iddiasında bildirib ki, beynəlxalq diplomatik protokollara əsasən anlaşmalar harada imzalanmasından asılı olmayaraq iki dövlətin paytaxtı yazılmaqla bağlanılır. “Mavi Mərmərə” anlaşmasında isə tərəflər olaraq “Ankara-Qüds” yazılıb. Millət Vəkili iddia edir ki, bu sənədlə AKP hakimiyyəti Qüdsü Trampdan əvvəl İsrailin paytaxtı kimi tanıyıb.
az24saat.org