2024-cü ildə Azərbaycanda həbsdə olan jurnalistlər 2024-cü ildə Azərbaycanda həbsdə olan jurnalistlər
SEÇMƏ

Ali Məhkəmə Naxçıvanın keçmiş daxili işlər nazirinə “yox” dedi

Yayımlandı: 26 Yanvar 2023 11:11


Əhməd Əhmədov apelyasiya şikayəti ilə bağlı ötürdüyü müddətin bərpasına nail olmaq istəyib

Yanvarın 25-də Ali Məhkəmədə Naxçıvanın keçmiş daxili işlər naziri Əhməd Əhmədovun şikayətinə baxılıb.

Saytların yığılması Saytlarin yigilmasi

Hakim Ələsgər Novruzovun sədrliyilə keçirilən məhkəmə iclasında sabiq nazirə rədd cavabı verilib.

Keçmiş nazirin ərizəsi müddətin bərpasıyla bağlı idi.

11 il azadlıqdan məhrum edilən Əhməd Əhmədov haqqında bu hökmü apellyasiya məhkəməsi qüvvədə saxlasa da, o, həmin qərardan vaxtında Ali Məhkəməyə şikayət verməmişdi.

Gecikməsinə baxmayaraq, sabiq nazir bu yaxınlarda Ali Məhkəməyə ərizə verib, ötürdüyü müddətin bərpasına nail olmaq istəyirdi.

Hakim Ələsgər Novruzovun sədrlik etdiyi hakimlər kollegiyası belə nəticəyə gəlib ki, müddətin ötürülməsi üçün ərizədə göstərilən səbəblər üzrlü sayıla bilməz. Ona görə də ərizə təmin olunmayıb.

Əhməd Əhmədov
Foto: arxiv

Sabiq nazir kassasiya şikayətində vurğulayıb ki, səhhətində ciddi problemlər var, bu səbəbdən xeyli vaxtdır müalicə müəssisəsində saxlanılır.

Əhməd Əhmədov 17 il (2000-2017) Naxçıvan Muxtar Respublikasının daxili işlər naziri vəzifəsində işləyib.

O, 2020-ci ilin əvvəlində Bakıda həbs olunsa da, Naxçıvanda mühakimə edilib.

Xüsusilə külli miqdarda mənimsəmə, vəzifə səlahiyyətlərindən sui-istifadə, rüşvətalma və s. ittihamlarla təqsirli bilinən sabiq nazir 11 il azadlıqdan məhrum edilib.

Əhməd Əhmədovun adı müxtəlif qalmaqallarda, işgəncələrdə, 2010-cu ildə Naxçıvanda Bənənyar hadisələrində hallanırdı.

Meydan TV

Saytların yığılması Saytlarin yigilmasi

Bənzər məqalələr

Bir cavab yazın

This site uses Akismet to reduce spam. Learn how your comment data is processed.

Back to top button