Almaniyada kimyəvi zavodda partlayış olub-itkin düşənlər var
Almaniyanın qərbində yerləşən Leverkuzen şəhərindəki kimyəvi zavodda partlayış olub.
Reütersin iyulun 27-də yaydığı məlumata görə, partlayış ordakı kimya parkının zibilliyində, tullantıların yandırıldığı yerdə baş verib.
Rəsmilər yerli sakinlərə evdə qalmağı, qapı-pəncərələri bağlamağı tövsiyyə edib.
Reüters yazır ki, partlayışın baş verdiyi həmin kimyəvi parkda , Bayer və Lanxess şirkətləri də daxil olmaqla, 30dan çox kimyəvi müəssisə yerləşir. Bayer Avropanın ən böyük kimyəvi sənaye müəssisələrindən biri sayılır.
İlkin məlumatlarda 5 nəfərin itkin düşdüyü, bir neçə nəfərinsə xəsarət aldığı bildirilir.
Polis ərazidəki bir neçə avtomobil yolununun bağlandığını bildirir.
Şahidlərin sözlərinə görə, partlayış o qədər güclü olub ki, evlərin pəncərələri zərbədən sınıb.
“24 saat” “Almaniyada kimyəvi zavodda partlayış olub-itkin düşənlər var” başlıqlı yazını “Azadlıq Radiosu”na istinadən dərc edib.
