Almaniyadan Türkiyəyə xəbərdarlıq
İyunun 7-də Almaniya kansleri Angela Merkel Türkiyə liderlərinə xəbərdarlıq edib. Səbəb soyqırım qətnaməsinə görə Türkiyənin alman deputatları kəskin tənqid etməsidir. Alman bundestaqı ötən əsrin əvvəllərində ermənilərin kütləvi qırğınını soyqırım kimi tanıyan qətnamə qəbul edib.
Almaniya Türkiyənin müvəqqəti işlər vəkilini xarici işlər nazirliyinə dəvət edib.
Türkiyə Prezidenti Recep Tayyip Erdogan almanlara 20-ci əsr tarixini xatırladıb, onları ikiüzlülükdə ittiham edib, deyib ki, qətnaməyə səs verən türk əsilli alman deputatların qanı yoxlanmalıdır, onların “necə bir türk olması” öyrənilməlidir.
“Alman parlamentinin aşağı palatasının üzvləri istisnasız olaraq azad şəkildə seçilir və Türkiyə tərəfinin ittihamları və bəyanatları qəbuledilməzdir”, kansler Merkel deyib.
Merkel onu da bildirib ki, Türkiyəylə Ermənistan arasında birbaşa danışıqların baş tutmasına çalışacaq.
