Now Reading:
Amerika vertolyotları İŞİD başçılarını təxliyyə etdi

Amerika vertolyotları İŞİD terror təşkilatının liderlərini Deyr-əz-Zor əyalətindən Suriyanın şimal-şərqindəki Haseke əyalətinin naməlum rayonlarına təxliyyə edib. Virtualaz.org xəbər verir ki, bu barədə “SANA” agentliyi məlumat yayıb.

Mənbələrin bildirdiyinə görə, dekabrın 27-dən 28-nə keçən gecə ABŞ ordusuna məxsus bir neçə vertolyot Deyr-əz-Zor əyalətinin şimal rayonlarında havaya qalxaraq, aşağı y3üksəklikdə uçmaqla Əs-Sad düşərgəsinin üzərindən keçiblər və Haseke şəhərinin cənubundakı Əl-Basel bəndinin yaxınlığında yerə eniblər. Agentlik iddia edir ki, vertolyotlarda təxliyyə edilənlər İŞİD-in komandirləri olub və onlar ABŞ-ın dəstəklədiyi “Suriya demokratik qüvvələri”nin (SDF) döyüşçülərinin yerləşdiyi mövqelərə aparılıblar. Mənbə bildirir ki. bu, ilk belə hal deyil.

Bundan öncə diplomatik mənbə RİA “Novosti”yə bildirmişdi ki, avqust ayında ABŞ HHQ Deyr-əz-Zor əyalətindən 20-yə yaxın İŞİD komandirini Suriyanın şimalına təxliyyə edib. O zaman da qeyd olunmuşdu ki, bu, ilk belə hal deyil. ABŞ-ın rəhbərlik etdiyi koalisiyanın nümayəndəsi həmin xəbəri təkzib etmişdi.

SİZ DƏ FİKRİNİZİ YAZIN

This site uses Akismet to reduce spam. Learn how your comment data is processed.

24saat.org@gmail.com
Çəkdiyiniz videoları bu ünvana yollamaqla bizimlə əməkdaşlıq edə bilərsiniz! Telefon - 055 239-48-36
Input your search keywords and press Enter.