Amerikalı həmsədr Qarabağ problemini birdəfəlik həll etməyə çağırıb
Hikmət Hacızadə: “ Amma Rusiya buna imkan vermir”
ATƏT-in Minsk qrupunun amerikalı həmsədri Riçard Hoqland “Amerikanın Səsi”nə müsahibə verib. Riçard Hoqland Dağlıq Qarabağ münaqişəsinə dair yüksək səviyyədə ciddi danışıqların başlanmasının vaxtı olduğunu deyib (APA).
Amerikalı həmsədr problemin birdəfəlik həll edilməsinin vaxtı olduğunu söyləyib. O, aprelin 28-də Moskvada keçirilən görüşü də müsbət qiymətləndirib: “Hazırda həmsədr ölkələrin nazirləri növbəti addım barədə danışıqlar aparır. Biz həmsədrlər olaraq çalışacağıq ki, bu danışıqları yüksək səviyyəyə qaldıraq”, – deyə o söyləyib.
Politoloq Hikmət Hacızadə isə amerikalı həmsədrin məlum açıqlamasından konkret nəticə gözləməyi mənasız hesab edir. Azadlıq.info-ya açıqlama verən politoloqun fikrincə, həmsədrlər münaqişənin həllinə dair yeni heç nə edə bilmirlər:
“Amerika da bu məzmunda heç nə edə bilmir. Çünki hər şey Rusiyanın əlindədir. Qarabağ münaqişəsinin həll edilməsi istiqamətində 20 ildir ki, danışıqlar aparır, eyni fikirləri səsləndirirlər. Əməli nəticə isə yoxdur. Rusiya buna imkan vermir. Ona görə Hoqlandın son açıqlaması da müsbət nəticəyə ümid etməyə əsas vermir”.
Nigar
24saat.org
Mənbə – azadliq.info