Gündəm
Amerikalı senator: “Bu addımı ilə Əsəd Trampa “rədd ol” dedi”
Respublikaçı-senator Lindsi Qrem ABŞ-ın Suriyanı vurmasından sonra Bəşər Əsədin Şayrat hərbi bazasında uçuşları bərpa etməsini ağıldankəmlik adlandırıb.
Senatorun sözlərinə görə, Əsəd bu hərəkəti ilə ABŞ-a açıq-aşkar meydan oxuyub: “Əsəd Trampa demək istəyir ki, rədd ol! Bu, onun tərəfindən çox yanlış addım oldu. ABŞ-ın qarşısında yer almısınsa və Trampın hər an səninlə nə edə biləcəyini düşünmürsənsə, deməli, ağlını itirmisən”, – deyə senator bildirib.
Xatırladaq ki, Əsəd rejiminin kimyəvi silah tətbiq etməsinə cavab olaraq ABŞ aprelin 7-də Suriyadakı Şayrat hərbi bazasına raket zərbəsi endirib.
Bunun ardınca Suriya rejimi hərbi bazada uçuşları bərpa edib.
Gültəkin
24saat.org
Mənbə – azadliq.info
