Cəmiyyət
ANS bağlanandan sonra Azərbaycanı tərk edən Qənirə QAYITDI: “Danışmaq istəmirəm…”
Fəaliyyəti dayandırılmış ANS TV-nin əməkdaşı, bir müddət əvvəl ölkəni tərk etmiş tanınmış jurnalist Qənirə Ataşova Azərbaycana qayıdıb.
BiG.AZ xəbər verir ki, şəxsi işləriylə bağlı ölkə xaricinə gedən Q.Ataşova bir necə gün öncə Bakıya gəlib.
Q.Ataşova ölkədən çıxışına qoyulan qadağanın götürülməsi üçün məhkəməyə və aidiyyəti orqanlara etdiyi müraciət öz müsbət həllini tapdıqdan sonra ölkə xaricinə yollanmışdı.
Mətbuatda aparıcının bir daha Azərbaycana qayıtmayacağı barədə məlumatlar yayılsa da jurnalist Bakıya qayıdıb və hazırda şəxsi işlərilə məşğuldur. Q.Ataşova missiya.az-ın əməkdaşı ilə söhbətində bir neçə gündür ki, Azərbaycana qayıtdığını, lakin xaricə səfəri barədə danışmaq istəmədiyini bildirib.
