Arif Hacılı İlqar Məmmədovu və ReAl üzvlərini təbrik etdi
Müsavat başqanı Arif Hacılı ReAl üzvlərini təsis qurultayı münasibəti ilə təbrik edib.
Müsavatın mətbuat xidmətindən “Basta”ya təqdim olunan təbrikdə deyilir:
“Uzun müddətdir ki, yaradılan maneələr üzündən öz qurultayını keçirə bilməyən ReAl hərəkatının fərqli və çətin şəraitdə, alternativ üsullarla öz qurultayını keçirməsini alqışlayıram. Nəhayət partiya olaraq fəaliyyətə başlayan ReAl üzvlərini təsis qurultayı münasibəti ilə təbrik edirəm.
Siyasi məhbus həyatı yaşayan İlqar Məmmədovu partiyaya sədr seçilməsi münasibəti ilə təbrik edir, onun tezliklə azadlığa çıxaraq aktiv siyasi fəaliyyət göstərmək imkanı əldə etməsini arzu edirəm. ReAl Partiyasının Azərbaycanda hüquqi dövlətin qurulması və Cümhuriyyət dəyərlərinin yenidən bərqərar olması istiqamətində fəaliyyət göstərəcəyinə inanır və bu yolda bütün ReAl üzvlərinə uğurlar arzulayıram”.
Bastainfo.com