Loading...
Loading...
ÖLKƏSosial

Ata Abdullayev məhkəmədə Əliyevlərin fotolarını öpüb ağladı

Təqsirsiz olduğunu, cinayət işində zərərçəkmiş kimi adı keçən adamların heç birindən pul tələb etmədiyini vurğulayan Ata Abdullayevin sözlərinə görə, ortada heç bir sübut-dəlil də yoxdur

Özünü videobloger kimi tanıdan Ata Abdullayev haqqında çıxarılan 7 illik həbs hökmünü ədalətsiz sayır və işinin yenidən araşdırılmasını istəyir:

“Sizə and verirəm ulu öndərin ruhuna, bu işi obyektiv, ədalətli araşdırın”. O bu istəyini fevralın 16-da Bakı Apellyasiya Məhkəməsində dilə gətirib.

Məhkəmədəki bir məqam da diqqət çəkib. Ata Abdullayev prezident İlham Əliyevlə atasının – mərhum prezident Heydər Əliyevin fotolarını öpərək ağlayıb.

Təqsirsiz olduğunu, cinayət işində zərərçəkmiş kimi adı keçən adamların heç birindən pul tələb etmədiyini vurğulayan Ata Abdullayevin sözlərinə görə, ortada heç bir sübut-dəlil də yoxdur.

O, indi Bakı İstintaq Təcridxanasında saxlanılır. Yaradılan şəraitdən razıdır və Penitensiar Xidmətin rəisi Ceyhun Həsənova, Bakı İstintaq Təcridxanasının rəhbəri Elnur İsmayılova da minnətdarlığını bildirib.

Abdullayevin vəkili Telman Talıbov birinci instansiya məhkəməsində aparılmış araşdırmalardan narazı qalıb.

Onun fikrincə, apellyasiya məhkəməsində də araşdırılası məsələlər var. Bu üzdən, vəkil apellyasiya şikayətinə məhkəmə istintaqı aparılmaqla (şahidlərin dindirilməsi, əlavə sübutların araşdırılması və s.) baxılmasından ötrü vəsatət qaldırıb. Ancaq hakimlər bu vəsatəti rədd ediblər. Qərar verilib ki, elə çıxışlarla bu instansiyada işə baxsınlar.

Xatırlatma

İndiyədək bir sıra qalmaqallarda adı keçən Ata Abdullayevi ötən il martın 12-də DTX əməkdaşları saxlayıblar. O, 4 nəfərdən şantajla pul tələb etməkdə, onlardan birinə “iPhone” markalı mobil telefon aldırmaqda suçlanır.

Abdullayev 2004-cü ildə hərbi xidmətdən yayındığına görə məhkum edilib. 2014-cü ildə online oğurluğa görə həbs olunsa da, 7 il şərti cəza alıb.

24 saat” “
Ata Abdullayev məhkəmədə Əliyevlərin fotolarını öpüb ağladı
” başlıqlı yazını “AzadliqRadiosu”na istinadən dərc edib

Xeberler

Gözdən qaçırmayın:  Putin ‘dəyişib’

This site uses Akismet to reduce spam. Learn how your comment data is processed.

Back to top button