İqtisadiyyat
Avrozona iqtisadiyyatı II rübdə 2% böyüdü
Tamara Mustafayeva, Banco.az
Avrozona iqtisadiyyatı koronavirus qadağalarının yumşaldıldığı ilin II rübündə əvvəlki rübə nəzərən 2% artım göstərib.
Banco.az xarici mətbuata istinadla bildirir ki, Avropa Statistika Komitəsi (“Eurostat”) Avropa İttifaqı (“Aİ”) və Avrozonanın 2021-ci ilin II rübü üzrə iqtisadi artım və məşğulluq göstəricilərini açıqlayıb.
Buna görə, 19 üzvdən ibarət Avrozonada ÜDM (mövsümi amillər nəzərə alınmaqla) bu ilin sözügedən dövründə əvvəlki rübə nəzərən 2% artıb.
Qeyd edək ki, ilin ikinci rübündə Avrozonada məşğulluq göstəricisi də ötən rüblə müqayisədə 0,5%, ötən ilin eyni dövrü ilə müqayisədə isə 1,8% yüksəlib.