Gündəm
AXCP Avropa məhkəməsinə müraciət edəcək
Bu gün Ali Məhkəmədə Azərbaycan Xalq Cəbhəsi Partiyasının Ədliyyə Nazirliyinə qarşı iddiası üzrə məhkəmə prosesi yekunlaşıb. Rahib Nəbizadənin sədrliyi ilə baş tutan məhkəmə iclasında kassasiya şikayəti təmin olunmayıb. AXCP-ni məhkəmədə vəkil Fəxrəddin Mehdiyev və nümayəndə Səməd Rəhimov təmsil edib. Hər ikisi hüquqşünas çıxış edərək iddianın əsaslı və qanuni olduğunu bildiriblər. Həm Ədliyyə nazirliyinin imtinasının, həm də apellyasiya məhkəməsinin qərarının əsassız və ədalətsiz olduğunu qeyd ediblər. Vəkillər məsələ ilə bağlı Avropa İnsan haqları məhkəməsinə partiya rəhbərliyi ilə məsləhətləşmədən sonra konvensiyanın müvafiq maddələri üzrə şikayət veriləcəyini bildiriblər.
azadliq.info
24saat.org
Mənbə – azadliq.info